Peter Punk / Peor Imposible

SINOPSE

Un novo unipersoal do recoñecido pallaso Peter Punk, no que mantén a súa esencia e o humor irreverente co que acadou o éxito. E onde da mostra da súa veteranía e madurez, tras máis dunha década de traxectoria profesional.

Peter Punk non contaba con que as cousas sempre poden ir a peor. Na súa nova aventura, non lle queda outra que afrontar o seu fracaso. Pero está disposto a todo pola risa do público.

Unha catedral de nove paraugas en equilibrio, o salto ao baleiro dun voluntario a cegas, o perigoso Circuito da Morte, e un evocador final que sorprenderá ás máis cativas e cativos, e fará reflexionar ao público adulto.

Nesta ocasión veremos a un pallaso optimista, equilibrado e olímpico, que buscará a complicidade do público para superar as dificultades que atopará en cada rutina, como unha metáfora dos tempos que vivimos.

FICHA ARTISTICA

  • Elenco : ISAAC RODRÍGUEZ MIRANDA “PETER PUNK”
  • Nome do espectáculo : PEOR IMPOSIBLE
  • Modalidade artística : Circo, malabares, equilibrios, humor, clown
  • Público ao que vai dirixido : Público infantil e familiar
  • Idioma : Galego
  • Duración do espectáculo : 60 min
  • Ubicación : espazo exterior e interior

PREMIOS

PREMIO DO PÚBLICO FESTICLOWN 2014 (Rivas Vaciamadrid)


AXENDA

Biografía

Peter Punk é un dos pallasos máis programados e destacados en Galicia. Conta con máis de 1000 funcións ás súas costas en diversos países, programacións e espazos.

Os seus espectáculos gozan dunha grande acollida por parte do público cativo e adulto.

A compañía PETER PUNK PALLASO nace arredor de 2003, creando o seu primeiro espectáculo e traballando con diversas distribuidoras. Formáse como clown e artista circense con mestres como Leo Bassi, Jango Edwards, Johny Melville, Antón Valén, Chaco Vachi, Darío Levin, Patch Adams, Walter Velázquez…

Co tempo vai perfilando o seu humor fresco, irreverente e orixinal.

Traballou en diversos festivais nacionais e internacionais, en paises como Portugal, Italia, Polonia, Arxentina, Cuba, Brasil, Colombia e Palestina.

Por toda Galicia e o estado: Canarias, Madrid, Catalunya, Asturias, Cantabria, Euskadi, Navarra, Ibiza, Cádiz, Granada, Castilla y León, Valencia…

Hoxe conta con cinco espectáculos en distribución.

Vídeos

Outros espectáculos de Peter Punk

A Chungatrona

Un aloucado espectaculo coa “Testarrosa” e como colofón final A CHUNGATRONA!!

Concerto Punk

Un cantante punk e un cantante infantil condenados a compartir escenario.

Chungo que te cagas

O “Máis difícil aínda!” do circo clásico.

O neno imperdible

Un músico e un artista de circo en constante reconciliación, entre eles, consigo mesmos e co mundo enteiro.